Nervosität legt sich nach den ersten 15 Minuten

also i ha bir erste prüefig herr u. bühler als expert gha; er het mi als ersts gfragt obi dütsch rede (nur weg mim name) wo für mi ned so guet isch überecho. i ha scho vo afang ah es komischs gfüu gha mit ihm neb mir. er het aues bemänglet, gseit i fahre z‘langsam wo i eigentlich ha weue zeige, dasi ufmerksam bi und wege stau vor mir ha anstatt z‘bremse eifach z‘gas losglah ha. au bim sitwerts-rückwerts parkiere isch z‘auto zgross gsy für z‘feld und es het gheisse i sig nid drinn. bir 2. prüefig hani herr .... gha wo e sehr seriöse aber doch sehr fründliche idruck het gmacht - wo sech au ner so bestätigt het. er het viel über mis privatlebe mit mir gredt - so bini au chli lockerer worde. i bi extreeeeem nervös gsy bi beidne prüefige und ha sehr angst gha. es leit sech aber i de erste 15 minute. i bi dür d‘innestadt thun gfahre vom schadau zum bhf zum muuberikreisel rechts ufe zur altstadt und det ner ufe zum spital. vo det us bini richtig steffisburg und det hani de bi nem wohnquartier müesse wende. bim ne schuelhus irgendwo wieder in thun hani müesse sitwerts-rückwerts parkiere. i bi a viune orte düre wo „lebhaft“ sy gsy wome würklech auge offe und voui konzentration het müesse ha. bi uf d‘outobahn richtig interlake gfahre und thun-süd wieder use. achtung: die autobahn het baustell und isch durchgehend bis thun-süd mit 80kmh zbefahre. bi au bim ganderkreisel gsy wo immer sehr viel verkehr herrscht und au bim neue kreisel wo usgseht wie nes oval :-) und ner ischs de irgendwenn zruck gange zum zentrum und ja, da hoffi au dass es bi dir heisst „dir heit prüefig bestande“ und du mit nem positive erlebnis chasch heigah :-) GOOD LUCK EVERYONE!